من قلب تونس.. كيف غيّر مؤتمر GAICA 2025 شكل الذكاء الاصطناعي في أفريقيا؟
سوسة تحتضن أكبر مؤتمر إفريقي للذكاء الاصطناعي "GAICA 2025"
 |
| أفريقيا تفتح باب المستقبل كواليس مؤتمر الذكاء الاصطناعي GAICA 2025 من سوسة التونسية |
في وقت العالم كله بيجري وراء تطوير نماذج الذكاء الاصطناعي والصراع بين القوى الكبرى بيزيد يوم بعد يوم، ظهرت أفريقيا فجأة على الساحة بخطوة مختلفة تمامًا. من مدينة سوسة التونسية، بدأ فصل جديد لأفريقيا التكنولوجية من خلال المؤتمر العالمي للذكاء الاصطناعي في أفريقيا GAICA 2025، اللي اتعمل في "نوفايشن سيتي" من 17 لحد 19 نوفمبر في حدث غير مسبوق على مستوى القارة.
المؤتمر ده ماكانش مجرد تجمع رسمي. كان مساحة حقيقية للابتكار، جمع أكتر من 6 آلاف مشارك، ومعاهم 134 متحدث دولي و110 شركة عارضة، غير أكتر من 200 شركة ناشئة جايين يعرضوا حلولهم اللي معمولة مخصوص علشان تتناسب مع السوق الأفريقية وتحدياتها.
أفريقيا تُعلن وجودها في سباق الذكاء الاصطناعي
بينما الولايات المتحدة والصين والاتحاد الأوروبي بيحاولوا الوصول لأكثر النماذج تطورًا وتنظيمًا، أفريقيا اختارت طريق تاني خالص: تطبيق الذكاء الاصطناعي لحل مشكلات الحياة اليومية.
بدل الجري وراء نماذج عملاقة محتاجة بنية تحتية ضخمة، ركّزت القارة على:
- الصحة الرقمية.
- المدن المستدامة.
- الزراعة الذكية.
- التقنيات المالية الشاملة FinTech.
وده بيأكد إن أفريقيا مش دخلة السباق علشان تنافس بس، ولكن علشان تقدم حلول فعّالة تناسب واقعها.
🌍 تنظيم دولي وشراكات تقيلة
"نوفايشن سيتي" نظّمت المؤتمر بالشراكة مع TPM Events وجوهرة باب، وبمساندة جهات دولية قوية زي:
- الوكالة الألمانية للتعاون الدولي GIZ.
- البنك الدولي.
- صندوق الودائع التونسي CDC.
وكمان شاركت شركات عالمية زي NVIDIA، وده بيقول إن العالم شايف قيمة المؤتمر وتأثيره المحتمل.
حيث قد صرح، مدير الابتكار في نوفايشن سيتي، أنس رشدي، قال جملة لخصت روح الحدث المميز: "هدفنا نخلق منظومة ذكاء اصطناعي أفريقية قادرة تنافس عالميًا وتطور حلول محلية حقيقية."
 |
| مؤتمر الذكاء الاصطناعي في تونس - أفريقيا تفتح باب المستقبل |
ثلاثة أيام مليانة أفكار وتجارب وتقنيات
الحدث كان شامل ومتنوّع، وضم: جلسات رئيسية وحوارية أكتر من 130 خبير دولي اتكلموا عن تطبيق الذكاء الاصطناعي في الصناعة والزراعة والصحة والتعليم والحوكمة.
- 3 قاعات ضخمة للمعرض.
- قاعة التكنولوجيا: كبار الشركات ومزودي الحلول.
- قاعة الأعمال: مساحة لقاءات وبناء شراكات.
- قاعة الشركات الناشئة: منصّة لعرض ابتكارات أفريقية مبهرة.
جلسات B2B عالية القيمة
ربطت الشركات الناشئة الأفريقية بالمستثمرين والأسواق العالمية. ورش تدريب وتهيئة للجيل الجديد
تركيز كبير على تنمية مهندسين وعلماء بيانات باستخدام أدوات مفتوحة المصدر.
بازيرا لاب.. نموذج أفريقي مختلف للابتكار الشامل
من أكتر المشاريع اللي شدت الانتباه كان BASIRA Lab بقيادة د. إسلام رقيق. المختبر ده بيقدم مفهوم "الذكاء الاصطناعي الشامل" — يعني: حلول عادلة، بدون انحياز، مناسبة للجميع. شغالة حتى في الأماكن اللي مواردها قليلة وده بالضبط اللي أفريقيا محتاجاه.
إسلام رقيق حكت عن بداية المشروع من صفر بفريق صغير وإمكانيات محدودة، لحد ما قدرت تحصل على نصف مليون يورو تمويل خلال 3 سنين. والأهم من الفلوس هو إنها قدرت تضاعف الإنتاج البحثي، وتبني فريق قوي، وتدعم شباب من خلفيات مختلفة.
خلاصة الحدث
مؤتمر GAICA 2025 كان أكثر من مجرد يومين تلاتة بيحصلوا ويتنسوا، ده كان نقطة تحول بتقول إن أفريقيا داخل العصر الجديد بقوة، ومش بس علشان تقلد العالم، لكن علشان تقدم حلول واقعية ومناسبة لاحتياجات الناس.
القارة اللي اتوصفِت زمان إنها "سوق ناشئ" بقت دلوقتي “ساحة ابتكار” قادرة تغيّر شكل التكنولوجيا عالميًا.
