رسميآ Redmi K90 Pro Max الجديد من شاومي يغيّر قواعد اللعبة في فئة الـFlagship Killer
شاومي تكشف عن Redmi K90 Pro Max الجديد كليًا
أعلنت شركة شاومي رسميًا عن أحدث هواتفها من سلسلة Redmi K الشهيرة، وهو Redmi K90 Pro Max، الذي يأتي بمزيج من القوة والتصميم الفخم مع سعر منافس يجعله أحد أبرز المرشحين للقب "قاتل الفلاجشيب".
السلسلة دي دايمًا بتتوجه للمستخدمين اللي عايزين أداء وسرعة وتجربة فخمة من غير ما يدفعوا أسعار مبالغ فيها، وبتنطلق عالميًا تحت علامة POCO التجارية.
📱 التصميم والخامات
الهاتف جاي بخامات فاخرة جدًا من الزجاج بالكامل مع إطار ألومنيوم قوي، وبيزن 218 جرام فقط، وأبعاده 163.3 × 77.8 × 7.9 ملم.
وبيتميز كمان بشهادة IP68 اللي بتخليه مقاوم للماء والغبار، يعني لو وقع منك أو اتبل، مش هتخاف عليه.
الشاشة
شاومي استخدمت شاشة مذهلة من نوع LTPO AMOLED مقاس 6.9 بوصة بدقة 2608×1200 بيكسل وجودة +FHD مع كثافة 416 بيكسل لكل بوصة.
الشاشة دي بتدعم HDR10+ و Dolby Vision ومعدل تحديث 120 هرتز لتجربة عرض ناعمة ومريحة جدًا.
أما الإضاءة، فتوصل لحد 3500 شمعة، يعني وضوح ممتاز حتى تحت الشمس، ومعاها طبقة حماية قوية من نوع Dragon Crystal Glass.
الأداء والمعالج
- الهاتف بيشتغل بمعالج Qualcomm Snapdragon 8 Elite Gen 5 المصنع بدقة 3 نانومتر، وده بيضمن أداء فائق وكفاءة في استهلاك الطاقة.
- المعالج الرسومي Adreno 840 بيقدّم تجربة ألعاب عالية جدًا وسلسة بدون أي تهنيج.
- بيشتغل الهاتف بواجهة HyperOS 3 الجديدة من شاومي المبنية على Android 16، واللي بتحسسك إنك ماسك جهاز من المستقبل فعلاً.
الذاكرة والتخزين
شاومي قدمت نسخ مختلفة تناسب كل المستخدمين:
- 256 جيجا + 12 جيجا رام.
- 512 جيجا + 16 جيجا رام.
- 1 تيرا + 16 جيجا رام.
التخزين من نوع UFS 4.1 فائق السرعة، والرامات LPDDR5x، يعني فتح التطبيقات ونقل الملفات بسرعة البرق.
📸 الكاميرات
الجزء اللي الكل بيستناه! الهاتف مزوّد بثلاث كاميرات خلفية قوية جدًا:
- الأساسية: 50 ميجا بيكسل بفتحة عدسة F/1.6 بمستشعر Light Fusion 950 مع مثبت بصري OIS.
- العدسة الثانية Telephoto: 50 ميجا بيكسل للتقريب الحقيقي حتى 5X مع مثبت بصري.
- العدسة الثالثة Ultra Wide: 50 ميجا بيكسل بزاوية عريضة F/2.4 للتصوير الواسع.
- الكاميرا بتصور فيديوهات بجودة 8K عند 30 إطار/ث، ومعاها فلاش LED قوي. أما السيلفي، فبدقة 32 ميجا بيكسل وتدعم تصوير فيديوهات 4K بجودة ممتازة جدًا.
المميزات الإضافية
- 🔊 سماعات Stereo بصوت نقي ومجسم.
- NFC للدفع الإلكتروني.
- بصمة Ultrasonic مدمجة في الشاشة.
- مستشعر تقارب حقيقي لتجربة مكالمات أدق.
- لا يوجد منفذ 3.5 ملم للسماعات السلكية.
🔋 البطارية والشحن
- الهاتف جاي ببطارية Silicon Carbon بسعة 7560 مللي أمبير، ودي من أكبر البطاريات الموجودة حاليًا.
- بتدعم شحن سريع 100 وات، وشحن لاسلكي 50 وات، وكمان شحن عكسي 22.5 وات، وكل ده من خلال منفذ USB Type-C.
الألوان والسعر
شاومي نزلت الهاتف بثلاث ألوان أنيقة ورائعة: الأسود – الأبيض – الأزرق.
أما الأسعار داخل الصين:
- 256 جيجا / 12 رام: حوالي 560 دولار
- 512 جيجا / 12 رام: حوالي 630 دولار
- 512 جيجا / 16 رام: حوالي 675 دولار
- 1 تيرا / 16 رام: حوالي 745 دولار
ببساطة، Redmi K90 Pro Max هو صفقة رابحة لأي حد عايز هاتف فخم بمواصفات خرافية وسعر منطقي.
شاومي أثبتت تاني إنها قادرة تقدم أداء فلاجشيب بسعر متوسط، وده اللي بيخليها تتربع على قلوب المستخدمين حول العالم.
