الذكاء الاصطناعي بقى في خدمتك كمصمم للصور
كيفية عمل تصميم صور احترافية لمقالات موقعك بالذكاء الأصطناعي Ai. زمان كان تصميم صورة أو لوجو احترافي محتاج مصمم جرافيك محترف، وأدوات معقدة، وساعات طويلة من التجربة والتعديل. لكن دلوقتي، ومع تطور الذكاء الاصطناعي، بقى الموضوع أسهل بكتير، وفعليًا بقيت تقدر تعمل صور إبداعية أو تقترح تصميم لوجو لمشروعك في دقائق.
كل اللي عليك إنك تستخدم أداة زي Google Whisk، واللي بتديك حرية "تركيب الصورة" بنفسك عن طريق دمج مشهد، موضوع، وستايل، ومع شوية مساعدة من شات جي بي تي، تقدر تطلع برومبت (وصف ذكي) يقترحلك الشكل المثالي للصورة أو اللوجو اللي في دماغك. يعني حرفيًا، أنت دلوقتي المصمم والذكاء الاصطناعي هو مساعدك الشخصي.
تصميم صور Google Whisk بالذكاء الاصطناعي
في وسط زحمة المنافسة على الإنترنت، بقت الصورة مش بس وسيلة تجميل للموقع لأ، دي عنصر أساسي في جذب الزائر لمحتوي موقعك والصور المتميزة تجعله يكمل تصفح داخل محتواك، وده لأن الصورة بتتكلم قبلك.
طيب تعمل إيه لو مش معاك مصمم؟ أو لو عايز تطلع حاجة احترافية ومخصصة لموقعك في أقل من 5 دقايق؟ الحل اسمه: Google Whisk.
إيه هو Google Whisk؟
Google Whisk أداة مجانية من معامل جوجل (Google Labs)، فكرتها بسيطة بس جبارة! بتقدر من خلالها تركّب مشاهد احترافية باستخدام الذكاء الاصطناعي، تضيف عناصر زي بشر، مباني، مكاتب، إضاءة. كل ده بتسحبه زي البازل وتحطه في الصورة. يعني حرفيًا، بتبني صورتك بنفسك كأنك بتلعب Lego، بس للديزاين.
ازاي تستخدم Google Whisk خطوة بخطوة؟
شرح طريقة تصميم صور بالذكاء الأصطناعي Ai للمبتدئين. تعتبر هذة الطريقه هي الأفضل للمبتدئين الذين يبحثون عن صناعه وتصميم عمل صور من خلال الذكاء الأصطناعي. وتعتبر هذة الطريقه المفضله والمتميزة والسهله لدي المبتدئين وأيضآ المحترفين. لهذا تابع تفاصيل الشرح:
- ادخل على الموقع الرسمي https://labs.google/fx/tools/whisk/unsupported-country
- لازم تدخل حاليآ من VPN من أمريكا USA - حيث يمكنك بأن تستخدم أي VPN علي متصفح جوجل كروم من خلال أضافته.
- بعد كده تذهب إلي شات جي بي تي ChatGPT ثم اكتب له وصف دقيق للصورة اللي عايزها، واطلب منه برومبت تكتبه جوه Google Whisk.
- مثال عملي: افتح شات جي بي تي وقوله - عايز برومبت لصورة فيها شاب عربي وسيم قاعد قدام لابتوب، ورا مكتب خشب، والإضاءة ناعمة، بيشتغل على موقعه، والخلفية لونها رمادي وأنيق، ويظهر فيها لوجو جوجل أدسنس على الشاشة.
- هتاخد برومبت جاهز، انسخه، وروح حطه في Whisk، وهتلاقي الصورة بتتكوّن قدامك بواقعية خرافية.
ليه تستخدم الطريقة دي بدل ما تشتري صور من مواقع مدفوعة؟
- مجاني + أوفر بكتير + صور احترافية مميزة.
- بتاخد صور مخصصة لنيتش موقعك.
- يمكنك استخدام برومبت لعمل او صناعه Logo لموقعك بشكل أحترافي.
- الصورة بتخدم مقالك أو منتجك بشكل مباشر.
- تقدر تحط في الصورة لوجو، لون البراند، عناصر قريبة من جمهورك حسب فكرك او محتواك وحسب أفكارك.
كيفية تصميم صور بالذكاء الأصطناعي اصبح سهل ويوجد أدوات كثيرة لكننا تحدثنا عن أفضل أداة للمبتدئين حاليا وللمحترفين وهي أداة Google Whisk.
نصيحة أخيرة: لو بتشتغل على مدونة، أو متجر إلكتروني، أو بتقدم خدمات، الصور الاحترافية بتفرق فعلًا في نسبة التفاعل والمبيعات. جرب Google Whisk مع ChatGPT، وهتلاقي إنك مش بس وفّرت وقت وفلوس. لكن كمان بقيت بتقدم محتوى بصري احترافي يشد الزائر من أول نظرة.
