كيف تقوم بحماية حسابك علي جوجل للأميل Gmail؟
احمي حساب اميلك علي Google Gmail بخطوات بسيطة. في وقت التكنولوجيا فيه بقت جزء من حياتنا اليومية، بقى حساب جوجل شبه مفتاح بيتك، بيحتوي على صورك، إيميلاتك، ملفاتك، وحتى مواعيدك. علشان كده لازم تكون واعي لأي تطبيق بيطلب منك "أذونات" على حسابك.
الكثير من الأشخاص لا يعتقدون بأن سرقه حساباتهم أصبحت سهله من خلال تطبيقات يتم الاشتراك فيها بدون وعي منهم بأنها من الممكن بأن تتسبب في سرقه أي بيانات تابعه ليهم، إذا كانت بيانات علي مواقع التواصل الإجتماعي من سرقه حسابات فيسبوك أو تويتر منصه أكس حديثآ. أو سرقه محفظتك الإلكترونيه بدون ما تحس، أو تشعر بذلك. وهذا من خلال جهه خارجيه ثالثه لديها صلاحيات الوصول إلي اميلك وجميع بياناتك علي جهازك وهذا بدون أن تشعر بذلك. ولهذا لو عندك حساب جوجل "لازم تقرأ المقال ده قبل فوات الأوان". وهذا لكيفية حماية حسابك وبياناتك الشخصية التي تكون مرتبطه بخدمة بريدك الإلكتروني GMAIL في جوجل.
🔍 ليه التطبيقات بتطلب أذونات من جوجل؟
لما بتدخل على تطبيق جديد وبتسجّل دخولك بجوجل، بيطلب منك التطبيق ده صلاحيات علشان يوصل لحاجات في حسابك، زي مثلآ:
- الصور اللي في Google Photos.
- التقويم بتاعك.
- اسمك وبريدك الإلكتروني.
- قناة اليوتيوب، إذا كان لديك.
- جهات الاتصال.
كل ده ممكن يكون منطقي لو التطبيق فعلاً محتاج الخدمة دي، لكن المشكلة إن مش كل التطبيقات دي "آمنة" أو "موثوقة".
⚠️ إمتى تقول لأ؟
لو لقيت تطبيق بيطلب صلاحيات مش منطقية، زي:
- تطبيق تعديل صور وعايز يدخل على جهات الاتصال!
- تطبيق بسيط وبيطلب يتحكم في فيديوهاتك على يوتيوب!
- لعبة بتطلب صلاحية تقرأ الإيميلات بتاعتك!
- هنا لازم تتوقف وتفكر: هو ليه محتاج ده؟ ولو مش لاقي إجابة واضحة، يبقى الأفضل ما توافقش نهائيًا.
إزاي تراجع مين عنده صلاحيات على حسابك؟
- كيفية حماية الخصوصية لبياناتك الشخصيه؟ جوجل بتوفرلك صفحة خاصة تقدر من خلالها تراجع كل التطبيقات اللي واخدة إذن تدخل على بياناتك، وده من هنا: https://myaccount.google.com/security.
- هتلاقي هناك قائمة بالتطبيقات والخدمات اللي انت سمحتلهم قبل كده بالوصول لحسابك، وهتعرف كل تطبيق واخد إذن بإيه بالظبط.
امسح التطبيق لو شكيت فيه
- التطبيقات والخدمات التابعة لجهات خارجية.
- لو دخلت على القائمة دي ولقيت تطبيق: اسمه غريب أو مش متأكد منه، أو تطبيق لا تستخدمه من فترة طويلة ولديه صلاحيات أكتر من اللي محتاجها، او حتي تطبيق مش فاكر إنك سجلت فيه أصلًا.
- في هذة الحاله يبقى ما تفكرش كتير. اضغط على "إزالة الوصول" وخلاص. ده مش هيلغي حسابك هناك، لكنه هيمنع التطبيق من الوصول لبياناتك مرة تانية.
🛡️ 5 خطوات بسيطة لكن فعالة تحميك من الخطر
- ما تديش كلمة مرورك لأي تطبيق، حتى لو قالك "مضمون".
- فعل خاصية التحقق بخطوتين (2-Step Verification)، علشان تزود الأمان.
- راجع الصلاحيات على حسابك كل فترة، حتى لو كل أسبوع مرة، أو في الشهر مرة.
- ارفض أي إذن مش منطقي أو مش واضح ليه محتاجه.
- امسح التطبيقات اللي مش بتستخدمها، أو اللي مش واثق فيها.
رسائل Gmail المشبوهة قد تسرقك احذفها فورًا قبل فوات الأوان
الرسائل الغير مرغوبه داخل إميلك. كتير مننا بيستقبل رسائل غريبة على الإيميل، وخصوصًا في قسم "البريد العشوائي" أو "Spam"، واللي بيكون فيها عروض مغرية أو روابط مشبوهة. المهم إنك ما تضغطش على أي رسالة مش واثق فيها، لأن أغلبها بيكون وسيلة لسرقة بياناتك أو اختراق حسابك. تأكد دايمًا إنك ما تردش وما تفتحش أي روابط داخل الرسائل دي، وبلغ عنها كـ "احتيال" لو شاكك فيها. كده بتحافظ على أمان حسابك، وبتقلل فرص الاختراق أو تسريب معلوماتك الشخصية.
✅ خلاصة الكلام
- حسابك على جوجل مش مجرد إيميل، ده يعتبر مخزن لحياتك الرقمية كلها. ومينفعش أي تطبيق يستاهل يوصل للحاجات دي.
- خليك واعي، راجع صلاحيات التطبيقات، واحذف أي حاجة تشك فيها، لأن الحماية الحقيقية بتبدأ من وعيك.
