كم يجب أن تكون نسبة النقر إلى الظهور CTR لتفادي حظر حساب أدسنس؟
من أكثر الأسئلة اللي بتشغل أصحاب المواقع والناشرين على أدسنس: "هل نسبة النقر إلى الظهور (CTR) عندي طبيعية؟" السؤال ده مش رفاهية، ده مفتاح لفهم أداء موقعك الإعلاني، وتحقيق أقصى استفادة من كل زيارة. لأن ببساطة، نسبة CTR مش بس رقم في تقرير، ده يعتبر مؤشر حيوي بيكشف لك مدى جاذبية إعلاناتك، وتفاعل الزوار معها، وكمان بيأثر بشكل مباشر على أرباحك. في السطور الجاية، هنوضح إيه هي النسبة المناسبة، وإزاي تطورها من غير ما تعرض حسابك للخطر. في المقال ده، هنعرف مع بعض إيه هي النسبة المناسبة، وإمتى تقلق وتبدأ تراجع حسابك.
ماهو الـ (CTR)؟
اكتشف CTR في إعلانات أدسنس وطرق تحسينها لزيادة الدخل. الـ سي تي آر CTR ببساطة: هو يعتبر معدل (نسبة النقر إلى الظهور CTR ). لو فهمته صح، أرباحك هتتغير تمامًا!.
بمعني دقيق، لو عندك موقع وبتعرض عليه إعلانات، فأكيد سمعت قبل كده عن مصطلح CTR. لكن يا ترى، إيه هو بالضبط؟ CTR أو "نسبة النقر إلى الظهور" هو ببساطة مقياس بيقولك قد إيه الناس اللي شافت الإعلان فعلاً ضغطت عليه. يعني لو ظهر الإعلان 100 مرة، واتنقر عليه 5 مرات، يبقى CTR = 5%. الرقم ده مهم جدًا، لأنه بيديك فكرة عن مدى فاعلية الإعلانات عندك، وهل بتوصل للناس بطريقة تشدهم ولا لأ. في المقال ده، هنعرف أكتر عن معنى CTR، وأهميته، وإزاي تحسنه عشان تزود أرباحك من أدسنس من غير ما تخالف السياسات.
كم يجب أن تكون نسبة النقر إلى الظهور CTR لتفادي حظر حساب جوجل أدسنس؟
نسبة النقر إلى الظهور (CTR أو Click Through Rate) في إعلانات أدسنس بتختلف حسب نوع ونيتش المحتوى، من أماكن الإعلانات، واستهداف الجمهور المستهدف لبلد الزائر ونوعية نوع المحتوي حسب كل نيتش أو الـ ميكرونيتش (Micro-Niche).
- حيث تعتبر النسبة الجيدة (المناسبة والمقبولة لضمان بقاء حسابك بأدسنس): من %1 إلى %3.72 حيث تعتبر هذه هي النسبة المتوسطة المقبولة والجيدة التي من المفترض أن تكون ممتازة في موقعك الإلكتروني.
- من %4 إلى 6.30% أو أكثر: تعتبر نسبة ممتازة، وتعني أن الزوار يتفاعلون بقوة مع الإعلانات.
- أعلى من %7 إلي 10% فما فوق يعتبر شيء سلبي جدآ علي موقعك: قد تكون هذه النسبة غير جيدة وتعتبر مؤشر بوجود شيء غريب وغير طبيعي حيث قد تراجع جوجل الموقع من جانبها للتأكد من عدم وجود نقرات غير طبيعية أو غير شرعية. وربما يعرض حسابك لخطر التقييد أو الإغلاق النهائي لحسابك علي جوجل أدسنس Google Adsense.
- أقل من %1: مؤشر على مشكلة في تصميم الموقع أو مكان الإعلانات أو حتى نوع المحتوى.
- في بعض الحالات، لو كانت نسبة CTR أقل من 1% لفترة طويلة، قد تكون مؤشرًا يستحق المراجعة، لكن مش بالضرورة يكون السبب في الموقع أو التصميم. لازم تشوف نوع المحتوى، اهتمامات الجمهور، أماكن الإعلانات، والمصدر الجغرافي للزيارات ونوعيه محتواك واستهدافك قبل ما تحكم.
ليه CTR ممكن يكون منخفض من غير ما يكون في مشكلة فعلًا؟
انخفاض CTR مش دايمًا بسببك في عوامل تانية ممكن تكون السبب: هنعرفها في السطور القادمة.
- بعض أنواع المحتوى بطبيعتها مش بتجذب نقرات عالية (زي المقالات التعليمية أو الأخبار).
- سلوك الزوار يختلف من مجال لمجال، فيه ناس بتتصفح فقط ومش مهتمة تنقر على أي إعلان.
- التركيبة الجغرافية للزوار بتأثر برضه، في دول CTR فيها ضعيف بشكل عام.
- بعض الحملات الإعلانية من جوجل نفسها ممكن تكون فيها الإعلانات أقل جذبًا أو سعرها رديء، وطبيعي الـ CTR ينخفض.
- الـ CTR ممكن يكون ضعيف لأن الزائر بيقرأ المقال كامل من غير ما يضطر يبص على الإعلانات وده معناه إن المحتوى قوي جدًا مش ضعيف. يعني مش كل CTR ضعيف = مشكلة، أحيانًا ده دليل إنك بتقدم محتوى غني وكامل بيخلي الزائر يلاقي اللي عايزه ومش محتاج يضغط على إعلان.
- من الجانب الأخر، الـ CTR ممكن يكون ضعيف لأن الزائر شاف الإعلان قبل كده في موقع تاني وتجاهله عندك، وده ملوش علاقة بتصميمك ولا بمحتواك. والسبب ده حقيقي وبيحصل بسبب إعادة الاستهداف (Retargeting) اللي بتستخدمه جوجل.
- كمان خد بالك من عامل الوقت: في مواقع CTR عندها بيكون منخفض في البداية، وبيتحسن تدريجيًا مع الوقت لما جوجل يبدأ يفهم نوع جمهورك ويوصل له الإعلانات المناسبة أكتر.
- كمان لو عندك زيارات من السوشيال ميديا أو مصادر غير مهتمة بالإعلانات، طبيعي CTR يكون ضعيف، وده مش عيب في الموقع، ده سلوك طبيعي للمصدر.
- أوقات الزائر بيكون داخل لهدف معين ومش فاضي يبص على أي إعلان، زي مثلاً اللي داخل يدور على كود معين أو جدول مواعيد، مش هيوقف يقرأ إعلان مهما كان جذاب.
"كل ما كان محتواك مفيد وجاذب، كل ما زادت فرص إن الزائر يتفاعل حتى مع الإعلان، ويرتفع CTR بشكل طبيعي."
كيف ترفع CTR بطريقة طبيعية تزيد من أرباح موقعك؟
- خليك واضح وجاذب في العناوين داخل المقال: العنوان الداخلي القوي بيشد الزائر وبيخليه يجلس في موقعك ويتصفحه، وده بيخلي الإعلانات قريبه من الزائر اثناء التصفح وبالتالي CTR يرتفع.
- اربط الإعلان بالمحتوى بصريًا: حاول تحط الإعلان وسط فقرة ليها علاقة ضمنية بنفس مجال الإعلان، ده بيخلي الإعلان يبدو "طبيعي" ومش منفصل عن الموضوع، وده بيزيد احتمالية النقر.
- استخدم كلمات مفتاحية تلامس نية الزائر لما المقال يحتوي على كلمات بتعكس نية حقيقية للبحث أو الشراء (زي مثلآ: أفضل، أرخص، طريقة، مقارنة)، جوجل بيعرض إعلانات أكثر ارتباطًا، وده بيخلي CTR يرتفع لأن الزائر بيلاقي إعلان فعلاً يهمه.
- حافظ على تنسيق مريح للعين لو الزائر ارتاح في القراءة ومفيش زحمة أو فوضى بصرية، عينه هتروح تلقائيًا على الإعلان – من غير ما تحس، لأن التنسيق الجيد بيرفع CTR.
- مقاله قد تعجبك: تحسين أقسام موقعك للسيو.
في مواقع مشهورة جدًا (زي مثلًا مواقع الأخبار العالمية) الـ CTR عندها بيكون أقل من 1%، لكن بيحققوا أرباح ضخمة بسبب: عدد زيارات ضخم يوميًا. لأن الإعلانات بتتعرض لملايين الأشخاص، فحتى لو نسبة النقر قليلة، العائد بيكون كبير. فتعتبر نتيجة الـ CTR لوحدها مش مقياس لجودة الموقع أو أرباحه.
ومتنساش أن ثقافة التفاعل مع الإعلانات أقل في المحتوي العربي وده موضوع كبير ممكن نبقي نتكلم فيه في وقت آخر. كل الود والتوفيقَ للجميع (دمتم بخير).
