احذر من هذه التطبيقات الخبيثه علي موبايلك للحفاظ علي الخصوصية
في عالم الموبايلات والتطبيقات اللي بقت جزء من حياتنا اليومية، ظهر تهديد خطير بيهدد خصوصيتك وأمانك الشخصي من غير ما تاخد بالك. خبراء في الأمن السيبراني أطلقوا جرس إنذار بعد ما اكتشفوا ارتفاع كبير في عدد التطبيقات اللي بتطلب صلاحيات غريبة مالهاش أي علاقة بخدمتها، زي إنها تدخل على الكاميرا أو تفتح المايك وتسجل صوتك، وكل ده بيحصل في الخلفية وانت مطمن.
إزاي تطبيق دردشة بسيط يتحول لأداة تجسس في جيبك؟
المشكلة إن التطبيقات دي بتدخل بشكل عادي على موبايلك، وبعضها موجود أصلًا على المتاجر الرسمية زي Google Play، وده بيخلي الناس تثق فيها بسهولة. لكن في الحقيقة، التطبيقات دي بتطلب صلاحيات مش من حقها، وده بيخليها تعمل كأنها جاسوس في جيبك، بتسجل وبتراقب وبتنقل بياناتك وانت مش واخد بالك.
التطبيقات اللي لازم تحذفها فورًا:
- Quick Chat
- Let’s Chat
- MeetMe
- Privee Talk
- Rafaqat
- Chit Chat
- Hello Chat
- YoohooTalk
- Nidus
- GlowChat
- Wave Chat
- Clash Royale
تعتبر هذه التطبيقات هي تطبيقات: يتم تصنيفها إنها خبيثة لأنها بتطلب إذن تشغل الكاميرا أو الميكروفون أو تدخل على صورك وجهات اتصالك بدون أي مبرر واضح، وكل ده بيتم في الخلفية، من غير ما تحس أو توصلك أي إشعارات.
تحذير رسمي من "ميتا" لمستخدمي واتساب: إوعى تقع في الفخ!
شركة ميتا، صاحبة تطبيق واتساب، خرجت بتحذير واضح وصريح لكل الناس اللي بتستخدم نسخ واتساب المعدلة والمنتشرة زي النار على السوشيال ميديا، واللي منها: WhatsApp Plus - GBWhatsApp - WhatsApp Red.
وقالت الشركة إن النسخ دي مش آمنة نهائيًا، وممكن تسببلك: اختراق الحساب بالكامل، تسريب كل محادثاتك وصورك، حظر دائم من استخدام النسخة الأصلية من واتساب. يعني لو بتستخدم أي نسخة من دول، الأفضل ترجع فورًا للنسخة الرسمية وتؤمن بياناتك.
كيف تحمي خصوصيتك من التطبيقات الخبيثه؟
- تنزيل التطبيقات بس من المتاجر الرسمية، بلاش روابط خارجية من مواقع خارجه، وبلاش تحمل من روابط من واتس أو تيليجرام، وخلافة.
- راجع كل صلاحية بيطلبها أي تطبيق، واسأل نفسك: "ليه بيطلب كده؟".
- حدّث نظام تشغيلك وتطبيقاتك بانتظام، التحديثات دي بتقفل الثغرات اللي بيستغلها الهكر.
- ركّب برنامج حماية كويس على موبايلك، وخلي فحص الجهاز عادة أسبوعية.
وفي الأخير: إحنا دلوقتي في زمن الخصوصية فيه بقت سلعة غالية، وكل كبسة زر ممكن تفتح باب كبير لناس تسرق بياناتك أو تتجسس عليك. خليك واعي، وفكر قبل ما تضغط "سماح". وإحنا في منتديات بوعدك دايمًا في ضهرك، نجيبلك التحذير قبل الكارثة، ونحافظ على أمانك الرقمي.
