خدعة مدمرة ومخالفة لقواعد السيو
كتير من الناس اللي دخلوا مجال الـ SEO بيعتقدوا إنهم لو استخدموا روابط جوجل المعادة التوجيه، هيرتفع ترتيب موقعهم في جوجل، خصوصآ لما يلاقوا روابط شكلها زي: "https://www.google.com/ url?q" وينشروا فيها رابط موقعهم. لكن الحقيقية هنا هي إن الطرق دي مش بس غلط، ده حتى مش ليها علاقة بالباك لينك أصلآ! الناس اللي بيقولوا إن دي طريقة سحرية لتحسين ترتيب المواقع ببساطة بيكذبوا.
الروابط دي مش باك لينك حقيقي، دي روابط إعادة توجيه مش أكثر. جوجل مش هتحبها، وهتعتبرها محاولات تلاعب بعقل الخوارزميات. الروابط دي مش بتقوي موقعك، بالعكس تمامًا، جوجل ممكن يتجاهلها أو يعاقب الموقع بسببها لو اكتشف استخدام الطريقة دي بكثرة. فعشان كده لو بتفكر إنك هتحسن ترتيب موقعك بالطريقة دي، خلي بالك لأن ده مش هيفيدك في حاجة، بل ممكن يضرك بشكل كبير.
- للأسف، الحقيقة دي بتتجاهلها ناس كتير علشان في شوية أشخاص عايشين على إنهم ينصبوا على الناس بالطريقة دي. ناس مش فاهمة ولا عايزة تفهم، بس بتبيع الأوهام للناس وتقول لهم "ده الطريق السحري لتحسين ترتيب موقعك". وفي نفس الوقت، للأسف، بتستغل ناس مفروض تكون فاهمة في السيو، ولكن الواقع بيقول إنهم للأسف مجرد "كتاكيت صغيرة بل الكتاكيت أذكي وانصح وأفضل منهم"، بصراحه محبتش أوصفهم بأسلوب غير لائق، عشان كده فضلت أسميهم كتاكيت لأن الكتكوت معروف انه صغير والدجاجه أكبر، لهذا حاولت قدر المستطاع وصفهم حسب حجمهم، وللأسف الناس دي حافظين كلام نظري من غير ما يكون عندهم أي فكرة حقيقية عن كيفية تحسين المواقع. بيطبقوا كل حاجة بدون ما يكون عندهم فهم عميق للموضوع.
- أغلبهم مجرد ناس بتقلد من غير ما تفهم، بتطبق أكواد وحركات مش عارفة أبعادها ولا تأثيرها الحقيقي. ودي كارثة كبيرة! لأنهم كده بيقعوا في نفس الفخ اللي كانوا ممكن ينجوا منه لو حاولوا يتعلموا أكتر ويعرفوا الحقيقة. الطريقة دي مش هتفيدهم، بالعكس، هتضرهم في المدى الطويل، وجوجل مش هيتسامح معاك لو لقيك بتتبع أساليب زي دي.
- المشكلة مش في إن الناس بتهمل الحقيقة، لكن في إنهم بيسمعوا لأشخاص مالهمش علاقة بالسيو الحقيقية، وبيدفعوا فلوس على أساس نصايح خاطئة. النتيجة؟ مشاكل أكبر، وعقوبات من جوجل، وتأخير في التقدم.
احذر خدعة باك لينك جوجل: هل روابط Google URL تفيد فعلاً في السيو أم تضر موقعك؟
- ❌كيف يتم عمل هذه الروابط؟ ثم يتم نسخ رابط الموقع ، ثم يقوم بتركيب الرابط داخل رابط إعادة توجيه لجوجل، ثم بعد ذلك يتم نشر هذا الرابط في مواقع مختلفة، مدونات، تعليقات، منتديات... إلخ. وبعد ذلك الزائر عندما يضغط عليه، يتم توجيهه إلى موقعك، لكن الرابط يبدو وكأنه من جوجل.
- ❌هل هذه الطريقة مفيدة؟ قصيرة المدى: قد تمنح بعض الزيارات المؤقتة أو تساعد في تجاوز بعض الفلاتر. ليست باك لينك حقيقي مفيد للسيو: لأن جوجل يتجاهل روابط الريدايركت من مصادر مثل "google.com / url" ولا يعتبرها باك لينك حقيقي ضمن معايير التصنيف. وقد تستخدم في السبام أو محاولات التلاعب.
❌ هل هي مضرة لموقعك؟
- نعم، على المدى الطويل قد تضر، خاصة لو تم استخدامها بكثرة أو تم ربطها بمواقع سبام أو في حملات مشبوهة.
- جوجل قد يفسر هذا النوع من الروابط كـ محاولة للتلاعب بنتائج البحث، وقد يعاقب الموقع إذا اكتشف نمطًا غير طبيعي.
- غير موصى بها ضمن استراتيجيات SEO الحقيقية.
دي مش باك لينكات، روابط Google URL أكبر كذبة في عالم السيو
- هذة الطريقة تدمر موقعك علي المدي البعيد، الطريقة ليست فعالة في تحسين ترتيبك في جوجل، يعني ملهاش علاقة في تحسين ترتيب موقعك يعني موجودة أو مش موجودة فهي مش بتحسن ترتيبك في نتائج البحث خالص.
- روابط جوجل المزيفة لا تقوي موقعك، بل تدمرة وتخالف السيو تمامآ.
- ليست طريقة بيضاء أو آمنة.
- ليست حتى روابط بيضاء او روابط رمادية (Gray Hat).
- تصنف ضمن الروابط السوداء (Black Hat SEO) أو يمكن تسميتها روابط حمقاء SEO Foolish Links لأنها قائمة على سوء فهم واضح للباك لينك. والاسم التقني لها: Redirect Spam Links / Fake Backlinks.
- الأفضل هو الحصول على باك لينكات طبيعية من مواقع موثوقة، بمحتوى ذي صلة، وتكون روابط "DoFollow" إن أمكن.
1. أولآ: ليه روابط Google URL بتظهر في أدوات تحليل الباك لينك؟
بتظهر أحيانًا في أدوات زي Ahrefs أو Semrush أو Moz أو غيرها، وده بيحصل لعدة أسباب:
- إن حد نشر الرابط ده في مكان عام (منتدى – تعليق – سوشيال ميديا) وجوجل مر عليه وأرشفه.
- أدوات تحليل الباك لينك بتسجل أي رابط فيه اسم موقعك حتى لو كان إعادة توجيه (redirect).
- الأدوات دي مش جوجل نفسه، يعني بتسجل وجود الرابط، لكن ما بتقولش إنه مؤثر أو مفيد للسيو. لأن الأدوات دي بتسجل أي رابط فيه اسم موقعك، حتى لو كان ضعيف أو عديم التأثير.
2. ثانيآ: هل ده معناه إن الروابط دي قوية أو مفيدة للسيو؟
لا إطلاقآ. وجودها في تقرير الباك لينك لا يعني إنها مفيدة، وده مهم تركز فيه:
- جوجل عنده نظام مختلف تمامًا عن أدوات التحليل.
- روابط إعادة التوجيه اللي بالشكل ده لا تحسب كـ "قوة باك لينك" حقيقية.
- جوجل بيشوف إنها مجرد redirect (إعادة توجيه) وممكن يتجاهلها تمامآ.
رابط Google URL ماهوش باك لينك مفيد، ومش طريقة ذكية لتحسين ترتيب موقعك. بالعكس، هو خدعة منتشرة بين الناس اللي حافظين مش فاهمين، وبيوقعوا غيرهم في الغلط.
ما تفعله هذه الروابط هو أنها تخدع الشكل وليس الجوهر، ولذلك لا تُعتبر "روابط باك لينك" حقيقية، بل تُعد روابط مضللة أو خداعية (Deceptive Links).
روابط Google URL هي روابط إعادة توجيه مزيفة تستخدم في خداع محركات البحث، لكنها لا تعتبر باك لينك حقيقي، وتصنف ضمن تقنيات السيو الأسود التي قد تضر موقعك بدلًا من أن تفيده.
هذة الروابط تعتبر إعادة توجيه (Redirect) وليست روابط مباشرة (Direct Backlinks)، وجوجل بيشوفها كالتالي: مش رابط مباشر لموقعك، بل بيعدي من خلال جوجل الأول. وغالبآ ما بيكون NoFollow، وده معناه جوجل مش بينقل منه "قوة" للموقع. وبيستخدم في السبام، فلو تم استخدامه بكثرة ممكن يضر سمعة موقعك.
ظهور الروابط دي مش دليل إنها مفيدة، ده دليل إنها موجودة فقط، لكن مالهاش وزن في التقييم الحقيقي. زي واحد اسمه مكتوب في كشف الحضور، لكن مش بيشتغل فعلآ. 😅
ماهو عقاب جوجل القاسي إذا اكتشفت تلاعبك بعد فترة من الزمن، وماذا سيحدث لموقعك؟
إذا اكتشفت جوجل أن موقعك يستخدم تقنيات غير شرعية أو محاولات تلاعب بالسيو، مثل استخدام روابط Google URL المزيفة أو أساليب السيو الأسود، قد يتعرض موقعك لعدة عقوبات يمكن أن تكون شديدة على المدى الطويل. وهذه بعض العقوبات الشائعة التي قد تواجهها:
- انخفاض مفاجئ في ترتيب الموقع والزوار (Rank Drop): جوجل قد يعاقب موقعك بتقليص ظهوره في نتائج البحث، مما يؤدي إلى انخفاض ترتيب صفحاتك بشكل ملحوظ.
- إزالة الصفحات من نتائج البحث (Deindexing): في حالات معينة، قد تقرر جوجل إزالة الموقع أو الصفحات من فهرس البحث بشكل كامل، مما يعني أنك لن تظهر في نتائج البحث نهائيآ.
- عقوبة يدوية (Manual Penalty): إذا اكتشف فريق جوجل وجود تلاعب واضح في الموقع، مثل روابط سبام أو روابط غير طبيعية، قد يتم فرض عقوبة يدوية. والعقوبة تفرضها جوجل على المواقع الإلكترونية لاستخدامها ممارسات تحسين محركات البحث غير المشروعة وانتهاكها لأساسيات جوجل في محرك البحث بشكل عام.
- الانخفاض في "ثقة جوجل" (Trust): المواقع التي تستخدم أساليب سيو غير شرعية قد تفقد الثقة التي تمتلكها جوجل. هذا يعني أنه حتى بعد إزالة الروابط الضارة أو التلاعبات، قد يستغرق الأمر وقتآ طويلآ لاستعادة وضعك في نتائج البحث.
- عقوبة التصفية المتقدمة (Advanced Filtering): جوجل قد تضع موقعك في فلتر متقدم يحجب بعض الصفحات أو المواقع المقرّبة منها في نتائج البحث، مما يجعل من الصعب جدًا العودة للمستوى الطبيعي حتى لو تم إصلاح المخالفات.
في المجمل، التلاعب في السيو ليس فقط يضر بترتيب موقعك، بل قد يعرضه للمخاطر الكبيرة التي قد تؤدي إلى عواقب دائمة على المدى الطويل.
