لما استمرارك يوجع ويحرق قلوبهم ADSENSE
في عالم الإنترنت دلوقتي، بقى كل واحد بيحاول يبني لنفسه كيان أو يفتح باب رزق جديد عن طريق المواقع أو القنوات أو غيرها. بس مع الأسف، مش كل الناس بتحب تشوف غيرها ناجح، ولا بتحب تشوف حد بيجتهد وبيحصد تعب سنين.
ناس كتير بتحارب رزق غيرها بالحقد والزيارات المشبوهة علشان يوقعوك، في المقال ده هتعرف تحمي نفسك وتفهم أصل الحكاية
تاريخ التقييد: 16-4-2025 في يوم 16 إبريل 2025
تم تقييد حساب أدسنس الخاص بي بشكل مؤقت بعد سلسلة من الزيارات غير الطبيعية والنقرات المشبوهة التي تم تسجيلها على الموقع. رغم أن هذا التقييد كان نتيجة لمحاولات عديدة من بعض الأفراد الذين حاولوا إيقاف نجاحي بأي وسيلة، إلا أنني علمت أن هذا مجرد اختبار من ربنا. التقييد لمدة شهر لم يكن نهاية الطريق، بل بداية لحالة من الصمود والتعلم. وعرفت أن الرزق لا يمكن لأحد أن يمنعه، وكلما واجهت تحديات أكبر، زادت عزيمتي وأصراري على الاستمرار.
مين بيحارب رزقك في الخفاء؟ أسرار التقييد وإغلاق ادسنس والمنافسة القذرة
في ناس قلوبهم مش صافية، ونواياهم مش كويسة، بيبقوا مستنيين بس اللحظة اللي يشوفوك فيها بتتعب وتكبر علشان يحاولوا يوقعوك بأي طريقة.
- التقييد في أدسنس مش دايمًا بسببك: مبدئيًا، لما جوجل بتعمل تقييد لحساب أدسنس، مش شرط يكون بسبب غلطة منك. ساعات بيبقى وراك حرب متعمدة ومقصودة.
في ناس ربنا يهديهم، بيكون عندهم مشاكل نفسية، أو حقد بيأكل قلوبهم، وبيقرروا يستخدموا وسائل قذرة علشان يضروك. يبعتهالك زيارات غير شرعية أو نقرات وهمية، يحطوك تحت رقابة أدسنس ويعرضوا حسابك للخطر.
الحمد لله، في أغلب الحالات دي، ربنا بيسترها. بدل ما الحساب يتقفل إغلاق نهائي للأبد، بيتعمله تقييد مؤقت لمدة شهر أو شهرين. وكأن ربنا بيقولك "خليك قوي، ده اختبار مش نهاية الطريق".
المنافسة في المحتوي العربي مش دايمًا شريفة
- لو انت شغال على كلمات قوية في محركات البحث، أو بدأت تلمع في مجال معين، استنى الضرب من كل ناحية. وكمان في نوعيات معينة من الناس، بدل ما يشدوا حيلهم ويتعبوا على شغلهم، بيختاروا الطريق السهل والوضيع: يحاولوا يوقعوك.
- يخلوا بوتات تدخل تضغط نقرات مش طبيعية علشان الأدسنس يحس إن في لعب مش مظبوط.
- يبعتولك بلاغات كيدية بشكل جماعي على مقالاتك.
- يعملوا حملات ممولة ويشتروا زيارات وهمية على موقعك أو قناتك.
هم شايفين إن نجاحك تهديد ليهم، بدل ما يشوفوا إن نجاح غيرهم ممكن يكون دافع ليهم. بكل أسف هؤلاء الأشخاص بكل أسف هم مرضي نفسيين وقلوبهم سوداء، ودائمـآ بيلجأوا لطرق قذرة لإيذاء غيرهم بدل ما يتعبوا على شغلهم. حيث يسعون بإغلاق حساب جوجل أدسنس الخاص بك من خلال عمل نقرات او إرسال زيارات عن طريق بوتات مدفوعة، وأيضآ يسجلون رابط موقعك في مواقع مشبوهه بغرض زيادة نسبة الاسبام علي دومين موقعك.
بس مهما كانوا بيتآمروا ويتفقوا، ومهما كانت خططهم شيطانية، في النهاية، ربنا فوق الكل. وعلشان كده، مهم تكون واعي، ومهم تعرف تحمي شغلك، ومهم كمان ما تبطلش تسعى. اشتغل بضمير، وحاول تأمن نفسك قدر الإمكان، وسيب الباقي على ربنا.
تعمل إيه لو حسيت إن في حرب عليك؟
أول حاجة، خليك هادي. الخوف والتوتر مش هيحلوا حاجة، بل ممكن يخلوك تغلط وتزود الطين بلة. خد نفسك كده وفكر بهدوء:
- راقب الترافيك بتاعك كويس تابع تحليلات موقعك أو قناتك بشكل يومي، خصوصًا مصادر الزيارات. لو لقيت زيارات جاية من أماكن غريبة أو بنسب غير طبيعية، خد بالك، دي ممكن تكون حركة مش طبيعية.
- تبيلغ عن النقرات الغير شرعية. بلغ جوجل بسرعة لو لاحظت إن في زيارات غير شرعية أو ضغط نقرات غريبة على الإعلانات، ابعت تقرير رسمي لجوجل عن نشاط مشبوه (Invalid Traffic). ده بيخليك في السليم إن شاء الله، وبتوضح إنك مش مسؤول عن اللي بيحصل.
- إقفل الإعلانات مؤقتًا لو الوضع خطير لو حسيت إن الهجوم عنيف ومش قادر تتحكم فيه، اقفل الإعلانات على موقعك أو قناتك يومين تلاتة لحد ما تعدي العاصفة. صحتك النفسية أهم، وكمان عشان تحمي حسابك من إغلاق نهائي.
- خليك مرن وما تيأسش تقييد شهر ولا اتنين مش نهاية العالم. اللي بيوقع بيقوم أقوى. اعتبرها استراحة محارب، ورجع خططك بشكل أذكى، وابني من تاني بس بخبرة أكتر.
كن علي يقين أنك واجع قلوبهم بستمرارك حتي لو موقعك لم يكن أفضل موقع، بس هما بيتوجعو لما بيشوفو موقعك متواجد حتي لو لم يكن للموقع قيمة، فستمرار موقعك بحد ذاته هو أكبر ألم ووجع لهم.
في النهاية، "الحقد مش هيوقفك": مهما حاولوا الناس اللي قلوبهم مليانة حقد يوقفوك، هتفضل ثابت مكانك. الرزق مكتوب ليك، مش هما اللي هيقدروا يغيروه. النجاح مش هيتأثر بالحسد أو الحقد، ده بيكبر أكتر مع كل محاولة ليهم. خليك دايمًا مؤمن إن ربنا ليه حكمه، واللي بيحاربك هيشوف في النهاية إنك هتكمل أقوى، وأنت اللي هتثبت وجودك في النهاية.
