نبذة تعريفية | نقطة التطوير
اسمي كريم، صاحب شبكة موقع بوعدك أو منتديات بوعدك. كنت عايش في القاهرة 11 سنه، لكن أصلًا أنا من مواليد مدينة بورسعيد وأستقريت فيها حاليآ. حبيت بس أشارك معاكم نبذة صغيرة عني عشان تكونوا عارفين مين اللي بيتكلم معاكم. اسمي في مجال الإنترنت هو "كوستا" أو COSTTA.
 |
| نقطة التطوير كيف قررت تغيير حياتي؟ |
في رحلة الحياة، تأتي لحظات يتعين علينا فيها اتخاذ قرارات مصيرية. تلك اللحظات التي تجبرك على الوقوف أمام نفسك وتسأل: "هل هذه النقطة التي يجب أن أبدأ فيها التغيير؟". نقطة التطوير هي كل ما تحتاجه لتأخذ خطوة جديدة نحو الأفضل، لتبني مستقبلك الذي طالما حلمت به.
"أنا مش جاي هنا علشان أظهر كأني الأفضل، ولا علشان أتصنع حاجة مش فيا. أنا هنا علشان أكون صريح معك وأوضح كل شيء بصدق." ولا عشان أظهر بشكل معين. أنا بسرد لك اللي عشته زي ما هو، بكل تفاصيله. الحياة علمتني إن مش كل حاجة بنخبيها، وكتير لما تحكي تجربتك، تلاقي فيها فائدة لحد تاني. القصة دي مش مجرد حكي، دي جزء صغير جدآآآآآآآآآآآ جدآ من حياتي، وفيها جوانب يمكن ما حدش جربها. مش كل الناس هتفهم أو هتقتنع، لكن الهدف إنك ممكن تلاقي في القصة دي حاجة تفتح لك باب جديد أو تغير في طريقتك أو يمكن تغير في طريقك لقدام. وبرغم إن مش كل اختياراتي كانت صح، هحاول أشارك معاك تجربتي البسيطة علشان تساعدك في قرارات حياتك، وحاول تاخد الشيء الإيجابي حسب شخصيتك وفكرك وعقليتك ونضجك."
"لكن في نفس الوقت، مش هكون الملاك البريء في السرد ده. أنا مش جاي أقول لك إن كل اختياراتي كانت صح، لأ. بالعكس، هحاول أشارك معاك تجربتي، مهما كانت بسيطة، علشان لو في حاجة ممكن تفيدك في حياتك، تبقى نقطة بداية ليك. مش هقولك إن عندي كل الإجابات، بس هكون صريح معاك وأوضح لك إن الحياة مليانة قرارات صعبة، وأنت في الآخر لازم تختار بناءً على خبرتك، حتى لو كانت بسيطة زي خبرتي." وأتمنى إن فيه حاجة صغيرة تقدر تفتح لحد باب جديد أو تغير وجهة نظره.
وأنا مش جاي هنا عشان أقول إن كلامي كله صح، لأ. بالعكس، في بعض القرارات اللي أخدتها ممكن أكون غلطت فيها، لكن تعلمت حاجة مهمة: مفيش حاجة تستحق الندم عليها، حتى لو كانت حاجة نفسي فيها. الحياة مليانة قرارات صعبة، وكتير منها بيدخل فيها أولويات و حاجات زي كرامتك، أو رجولتك، أو حتى تفكيرك وفكرك الشخصي. وفي بعض الأحيان، لازم تاخد قرار صح أو غلط عشان تتعلم وتقدر تمشي لقدام.
بداية التطوير
أوقات لازم تكون عندك الجرأة إنك تاخد قرارات أصعب من اللي أنت شايفها صعبة، لأنك في النهاية بتعمل مجهود مع ناس يمكن مكنوش يستحقوا وجودك في حياتهم، أو حتى مع أشخاص كانوا في حياتك وقاموا في لحظة ما يحكموا على فكرك بالسلب. وفي المستقبل، ممكن تاخد قرارات ضخمة، قرارات عن مستقبلك العملي أو قرارات بتغير مسار حياتك لسنين قدام مع أشخاص مع عائلة مع اصحاب مع أحباب أو حتي في عملك شغلك أو أو أو... لو قدرت ترسم لنفسك خريطة طريق، هتلاقي نفسك قدام اختيارات جريئة وصعبة، لكن هتكون قادر تاخدها، لأنك لو مشيت وراء القناعة الشخصية، هتقدر تغير حياتك حتى في أصعب لحظاتها."
- كل لحظة صعبة بتقربك أكتر من النسخة الأفضل من نفسك، مهما كانت البداية.
كل واحد فينا بيعدي بمرحلة في حياته يكون مش عارف هو رايح فين، أو مش قادر يلاقي إجابة على أسئلة كبيرة في دماغه. ساعات الدنيا بتبقى مش ماشية زي ما كنا متوقعين، وكل خطوة بنخطوها بنشوف إن التحديات بتزيد. لكن في وسط اللحظات الصعبة دي، بنكتشف إننا بنتعلم من كل حاجة بنمر بيها.
الواقع إن مش كل حاجة بتبقى سهلة أو واضحة، وكل تجربة بتخليك تقف قدام نفسك وتفكر: "إزاي ممكن أكون أفضل؟" حتى لو مفيش طريق سهل، كل لحظة بتعدي، سواء كانت حلوة أو مرة، بتعلمنا حاجة جديدة عن نفسنا. وده اللي بيساعدنا نكبر ونمشي خطوة بخطوة لغاية ما نقدر نواجه الحياة بشكل أفضل.
"هكلمك عن حياتي العملية أونلاين وحياتي الواقعية، وبعد كده هحكي لك عن الناس الإيجابية في حياتي، إزاي ليهم دور كبير وبيخلوا الدنيا أفضل. وكمان هتكلم عن الناس السلبية اللي وجودهم في حياتك بيأثر عليك بشكل وحش، وبيخلوك تشوف الدنيا من زاوية مختلفة."
- لو عايز تكون قادر تقرأ الأحداث الجاية في حياتك، لازم تكون عارف إنت عايز إيه من البداية. مينفعش تعيش من غير اختيارات أو أهداف، مش عارف عايز إيه ولا مش عايز إيه! مش ممكن تفضل سايب الدنيا تضربك كده وانت مش عارف تاخد قرارات. ممكن تكون طيب فعلًا وساذج، بس من غير أهداف ولا خارطة طريق هتكون إنسان ملوش قيمة مش بس قدام الناس، ولكن قدام نفسك كمان. الحياة دي عبارة عن مراحل بنعيشها كل يوم لازم تكون عارف وفاهم أنت عايز أيه منها؟. ممكن قرار واحد في يوم يغير حياتك من الأسوأ للأحسن، أو لو ما أخدتش القرار ده، هتفضل واقف في مكانك لسنين قدام. القرار لو كان صحيح هيفتح لك أبواب كتير لحياة ناجحة، مهما كان نوع القرار. أنا شخصيًا مبحبش أكون محاط بأشخاص سلبيين في حياتي، أو ناس مش قادرين ياخدوا قرارات في حياتهم الشخصية أو العملية، حتى لو كانوا محترمين ومؤدبين أو حتى لو كانوا زي الملائكة نازلين من السما."
- أسأل نفسك أنت عايز أيه؟ عايز ستر؟ ولا عايز صحة؟ ولا عايز هلس؟ ولا عايز تتعلم وتبدأ تطور من نفسك؟ ولا عايز تشرب مخدرات؟ ولا عايز تخرج مع بنات وأصحاب بنات او شباب شمال؟ ولا عايز تشتغل عند ده وده؟ وده يديك كلمه وده يديك كلمتين سلب أو إيجاب فأنت تعتبر تابع ليهم بردة وتحت خدمتهم لأنك ملكش فكر ولا ليك نضج أيآ كان سنك.
انا مريت بكل ده، مريت بكل شيء مقزز، شبعان قله أدب، شبعان هلس فوق ما تتخيل، شبعان بنات شمال، شبعان اصحاب وشباب غير ناضجين وغير صالحين او فاشلين همهم كلهم يعيشو اللحظة، اتعرفت ع ناس في حياتي الواقعية العملية علي ارض الواقع كانو بيشدوني للطريق الغلط، أينعم مكنتش عامل فيها ملاك أينعم غلطت كتير بس دايمآ وانا بغلط كنت بسأل نفسي ليه؟ ليه ياعم هو ده طريقك يعني اللي عايز تمشي فيه؟!.. اه وبعدين اخرتها أيه هلس وبعد الهلس أيه!؟. فضلت اعاتب نفسي بشكل شديد وقوي عشان مش عايز ابقي الشخص ده لأن فكري وافكاري كانو عايزين يروحو لمكان افضل.
وفي عز، ما بدأت أقرر تغيير مساري ولسه بخرج من الحفرة دي عشان احاول اطلع اول سلمه في الطريق الصح، لقيت شياطين الأنس بيغروني انهم عايزني أعمل كبائر كبيرة ممكن تهز سابع سما وأغضب ربنا مني بشكل أكبر. وجت فرص ليا بلغة الشباب متقشرة علي طبق من ذهب ودي تعتبر فرص متتعوضش لشاب كان بعيد عن دينه وشاب فاشل وضايع وصايع وكمان مش متجوز لسه، الفرص دي فضلت تيجي بستمرار في الفترة بتاعت تغيير المسار وكان قدامي الفرص ومنتظراني ومتعطشة ليا كمان وهي اللي بتيجي دايمآ لعندي دون مجهود مني. فكان قدامي اختيارين اتنين فقط يا الطريق ده واكمل فيه وأعمل كبائر كبيرة ومعاصي وذنوب واللي بتكلم فيه ده حاجات من أكبر الكبائر عند الله! يا اما اختار الطريق بتاع السلمة اللي مش قادر أطلع ليها لسة عشان أبدأ بتغيير مسار حياتي للأفضل! لكن احنا كا بني ادمين بنضعف والانسان بطبعه ضعيف. لكن قلت لنفسي مينفعش اعمل كدة مش علشان حرام وربنا وكده لا خالص استغفر الله العظيم، لأن كان تفكيري سيء للغاية، لكن عشان انا عارف انا عايز أيه محاولتش اسيب نفسي للهلاك تاني وقلت في بالي وعدت حساباتي ان مش عشان بنات ايآ كان هما ايه اعمل معاهم علاقة شمال اينعم هحس بمتعه لكن بعد كده هكون شخص قدام نفسي صفر ع الشمال. لكن بيني وبين نفسي مينفعش أكمل في الطريق ده، مش علشان حرام أو عشان ربنا، لأ، لكن علشان مش عايز أبقى شخص تاني قدام نفسي ده قبل ما اكون قدام ربنا طبعا. فقررت ان أقطع علاقتي بالعلاقات المحرمه اللي كانت هتوديني في طرق ممكن مكنتش عارف ارجع أو أطلع منها. وطبعا خدت قرارات مصيرية كمان ان ابعد عن كل الشخصيات المقرفه اللي في حياتي أيآ كان هما مين رغم ان في منهم عزيز علي قلبي لكن دي قرارات مصيرية قدرت اخدها لأن اخترت عدم التكملة في مشاوير كانت هتكون سودة قدامي. فطبيعي اكون عارف اتخذ قرارات مصيرية في حياتي بالنسبالي هتكون سهله لأن انت خلاص عارف أنت عايز أيه مش هيفرق معاك حد ساعتها وانت بتبيعه او بترحل عنه لمجرد بس أنه آذاك او بيحاول يأذي مشاعرك بالسلب. هما مش هيفهمو كده للأسف.
وبدأت أطلع أول سلمة كنت عايز أطلع ليها. لكن معلش هتلاحظ ان اللي خلاني ابعد عن السلبيات والفواحش دي كلها هي العزيمة والارادة، عشـــان كنت جاد في اتخاذ القرار الصعب، يعني القرارات دي بعدي عنها مكنتش بسبب قرارات دينية وخلافة. ده اللي حابب افهمهولك ان العزيمة بتاعتي في التغيير بالفكر او النضج او استيعاب الاخطاء الكبيرة أو تسعي لتغيير مسار حياتك للأفضل بفكرك بشخصيتك بعقلك وفكرك الصح هو اللي هيكون له الاولوية عشان انت مش حابب تمشي في الطريق الغلط ده بكده انت فهمت اعتقد أقصد أيه.
- علي مدار الحياة بشكل عام بقي حسيت ان دي قرارات كانت مصيرية في نقطة مهمه أنها تغير مسار حياتي. فبدأ قلبي وعقلي يشعر بعدم اهتمام مع أي شخص قد يغير حياتي للأسوأ، فكان لدي قرار وهو أن ابتعد عن أي شخص بكل سهوله إذا كان شخص سلبي او إذا كان شخص شيطاني، أو إذا كان شخص يسعي بقصد أو بدون قصد بأن يغضبني. لكن يعلم الله بأنني كنت أصبر كثيرآ مع الأشخاص الذي كنت اريد أن اكمل طريقي معهم. لكن حين يطفح الكيل وعقلي يشعر بغضب وقلبي يشعر بزعل! حينها أعطي فرص لنفسي لكي اتنفس من أجل تصليح الامور بيننا، لكن في الاخير تصل الأمور إلي عدم القدرة علي تحمل شخص يسعي بقصد أو بدون قصد لزعلك. حينها قد أرحــــل لأنني لن أضيع طاقتي ولن أزيد من تعبي النفسي في هذة العلاقة التي أثرت علي زعلي ونفسيتي. هنا قد بدأ الجميع يستغرب ويسألني انت قاسي ليه؟ انت جاحــد ليه؟ انت عايز تبعد عني ليه؟ وفي اللي منهم اللي كان بيقولي انت معندكش قلب ازاي بتبيع بسهولة كدة؟ حتي لو اشخاص محترمين او او او.. كان بيبقي صعب علية أفهمهم أن انا في حياتي خدت قرارات قوية غيرت حياتي فمكنتش عارف اعبر ولا كنت عارف اوصفلهم ازاي كنت بكون قادر ابعد بسهوله ومكنتش قادر اوصف ان سبب البعد ده هو ان نفسيتي تعبت معاهم. كانو يشعرون بحاله من الصدمة والأندهاش من جانبهم واستغراب ومكنوش بيصدقو ان خلاص هبعـد! من كتر قمه الاستغراب من جانبهم لانهم كانو فاكرين ان مش هقدر ابعد عنهم. مكنتش عارف للأسف اشرحلهم ان القرارات المصيرية واول سلمه طلعتها هي اللي بعدتني عن فواحش غيرت حياتي. فما بالك بأشخاص دخلتهم حياتك وفتحتلهم قلبك وفي الأخر يسعون بقصد او بدون قصد ان يتعبو نفسيتك! فكان اسهل عليه بكل تأكيد أن ارحل عن اشخاص طيبين او مؤدبين او محترمين كانو يسببون ولو اذي بسيط لنفسيتي أو كانو يتهمونني بكلام غير متواجد فيا وخلافة، فكان الفراق والرحيل عن الأشخاص السامه، أو الأشخاص الذين يعيشون علي تعبك او أذي لنفسيتك هو أمر سهل لي سأبتعد بقوة دون رجعه، ولكنهم لا يفهمون ذلك.
فهذة هي بعض القرارات والنضج الفكري في اتخاذ القرارات الصحيحة رغم صعوبتها او سهولتها لكنك قررت والقرار هو قوة شخصية في تغيير حياتك بشكل عام في الحياة المهنية أو العملية فما بالك بقرارات ممكن أن تغير مسار حياتك بالكامل بشكل عملي وافضل وان تصلح علاقتك مع ربك لتصحح مسار خطواتك للأفضل فلا شيء سيقف أمامك وأمام فكرك وقوة عقلك لأنك ارسمت أهداف تريد أن تصل إليها. فالأنسان قرارات فلا تضع نفسك في مأزق ربما عقلك غير ناضج يريد شهوات الدنيا ، فـ الانسان قادر ويستطيع تغيير مسارة أيا كان حياة كل شخص فينا، فلا تقول لي ان الظروف والظروف اوقعتك هنا وهناك لأن حينها لن اجادل مع عقليتك وتفكيرك ولن اضيع وقتي معك في مجادلتك.
- فتخيل بقي أنك تبعد عن خطيبتك الاولـي في فترة كانت صعبه عليك نفسيآ، وقبلها تفقد ناس عزيزة وبعدها تفقد ناس عزيزة اااااااااكتر من اللي قبلهم. ويحصلك ظروف عائلية تفقد فيها ناس بتحبهم بشكل حقيقي، تعاله اجري بيك شويه يا عزيزي :) فتخيل كمان بأنك تقفل الفيسبوك اللي كان عليه كل حاجه ليك، وكان عليه مجموعة قوية ع الفيسبوك كنت بتنزل فيها محتوي تعليمي أو بتحاول تعطي معلومات في مجال ما بشكل حقيقي! تخيل كمان أنك رفضت تطلع علي Google Meet حتي لو هتقفل الكاميرا أو حتي تفتحها بس لمجرد اشخاص محترمين كانو عايزينك معاهم في بثات او خلافة!؟ لما تقرر كمان تبعد عن ناس لهم قيمة وقامه ومحترمين بل ومشهورين. تخيل كمان أنك تبعد بعد كده عن اشخاص دخلو حياتك وبيحاولو يأذوك بكلمات أو بمعاني او حتي كانو بيتسببو في اذي ولو بسيط في نفسيتك او حتي في مشاعرك وتقرر تبعد عن كل ده. وكمان تبعد عن اشخاص كانو محتاجين ظهورك معاهم عشان يفيدهم ودة لانك واخد سمعه كويسة. رغم ان كان ممكن ظهورك يكون أفضل منهم لو كنت استمريت وسط هؤلاء الأشخاص. لكن انا دايمآ شايف ان كل الهري ده مضيعه للوقت مش هتستفاد حاجه غير شهرة مصنوعه من زيـف ووهم ومش هتستفاد حاجة غير تضييع وقت ومجهود أنت أولي به تضيفه في أماكن أخري إذا كانت في حياتك الواقعية أو تضع مشاريع أخري لحياتك المستقبلية.
قرارات كثيرة لست ندمان عليها. لأنك اتخذتها وتعرف اهدافها الحقيقية أين هي وأين تتواجد.
اريد أن اقول لكل من يقرأ ان العبادة والصلاة هي المنبع الحقيقي في الحياة. وأن القرارات المصيرية وتطوير الذات وتطوير نفسك فيما يخص مجال عملك إذا كان في حياتك العملية او في حياتك الإلكترونية لابد أن يكون لحياتك أهداف وخطوات وخط سير تسعي بأن تصل إلية. لا تدع الشهوات هي من تتحكم بك ولا تعطي فرص لأحد قد آذاك يوم ما. ولا تعطي الأهمية لأي بني ادم مخلوق مثلك من طين، فحاول أن تجد الأشخاص الصالحين والمجتهدين الذين يرفعو من شأنك الذين يحافظون عليك وحاول أن تسعي لإيجاد أشخاص حقيقيون لا يسعون لإيذائك. وحاول بقدر المستطاع أن لنفسك مستقبل وطريق تسعي بأن تصل إلية، وحاول بقدر المستطاع أن تبتعد عن كل شخص يتعمد بأن يؤذيك وأن تتخذ قرارات مصيرية في حياتك المهنيه والعملية بشكل عام حسب حياتك.
نقطة التطوير
- قرب من ربك وصلي بإيمان وخشوع، لأن الصلاة مش مجرد فرض، دي راحة وسكينة وهتلاقي فيها إجابات لأسئلة كتير جواك.
- حافظ على قراءة القرآن وتأمله، لأن فيه نور لعقلك وهدى لقلبك، وهتلاقي فيه كل الإجابات اللي بتدور عليها.
- ابتعد عن وسائل التواصل الاجتماعي المليانة زيف، مش كل اللي بيبان حقيقي، ومش كل ضحكة ونجاح على الشاشة بيعكس الواقع.
- ابتعد عن كل شيء بيدمر حياتك، مهما كان شكله أو حجمه، حتى لو كان حاجة بتحبها. بعض الأمور ممكن تبان ممتعة في البداية، لكنها في النهاية مجرد طريق مسدود.
- ابتعد عن الأشخاص السلبيين، اللي بيسحبوا طاقتك وبيخلوك تحس إنك مش قادر تتقدم. الناس دي مش هتضيف لحياتك غير الإحباط والشك في نفسك. اختار دايمًا تكون وسط ناس بتدعمك وبتدفعك للأمام.
- اصنع مستقبلك بإيدك، قراراتك هي اللي هتشكل حياتك. لو فضلت مستني الظروف تتغير، عمرك ما هتوصل لحاجة. كن صاحب قرار، وابدأ دلوقتي في بناء حياتك بالطريقة اللي تستحقها.
- ابتعد عن التردد والخوف، القرارات القوية هي اللي بتصنع الفرق، ومافيش نجاح من غير مجازفة محسوبة.
- ابتعد عن الراحة الزائدة، لأن اللي بيقعد في مكانه بيفضل في نفس الدائرة، لازم تتعب وتتحرك عشان توصل.
- ابتعد عن مقارنة نفسك بالآخرين، لكل واحد رحلته الخاصة، ونجاحك مش لازم يكون نسخة من نجاح حد تاني.
- ابتعد عن أي حاجة بتسلبك شغفك، سواء كان مكان، عمل، أو حتى أشخاص، الحياة تستاهل إنك تعيشها بحماس.
- ابتعد عن الأعذار، مافيش حد ناجح وصل لهدفه وهو بيدور على مبررات، امسك زمام حياتك وابدأ التحرك.
- ابتعد عن الناس اللي همها الشهرة بأي طريقة، اللي مستعدين يبيعوا أي حاجة عشان ترند، دول مش هيضيفوا لك غير استنزاف لطاقتك.
- ابتعد عن العلاقات اللي مبنية على المصلحة، الناس اللي بتيجي وقت احتياجها وتختفي أول ما تاخد اللي عايزاه، دول ما يستحقوش مكان في حياتك.
- ابتعد عن الوجوه المتلونة، اللي بيغيروا كلامهم وتصرفاتهم حسب مصلحتهم، دول أخطر من العدو الصريح.
- ابتعد عن الشخصيات اللي بتحاول تستغلك تحت مسمى الصداقة، الصديق الحقيقي مش هيعاملك كوسيلة للوصول لحاجة معينة.
- ابتعد عن الناس اللي مش ثابتة على مبدأ، اللي بيمشوا مع التيار عشان يكسبوا أي حاجة، دول مش هيكونوا سند ليك وقت الجد.
- ابتعد عن كل حد بيحاول يسحبك لعالم كله زيف وخداع، وخليك دايمًا مع الناس اللي عندها مبدأ وبتعاملك بصدق.
- ابتعد عن الناس اللي حياتهم كلها شكوى، اللي دايمًا بيتكلموا عن مشاكلهم لكن مش بيحاولوا يحلوها، دول هيستهلكوا طاقتك على الفاضي.
- ابتعد عن اللي مش قادرين ياخدوا قرارات مصيرية، اللي كل ما تسألهم "هتعمل إيه؟" يقولوا "مش عارف"، دول هيسحبوك معاهم في دايرة مفرغة.
- ابتعد عن اللي بيشتكوا طول الوقت بس مستمتعين بحياتهم في الخفاء، دول مش بيدوروا على حل، دول عايزين حد يسمعلهم وخلاص.
- ابتعد عن اللي بيضيعوا وقتك بشكواهم المستمرة، لأنهم مش هيفيدوك بحاجة، بالعكس هياخدوا من وقتك وجهدك ومش هيتغير في حياتهم أي حاجة.
- ابتعد عن الشخصيات الضعيفة اللي مش عايزة تغير حياتها، لأنهم مش بس مش هيتغيروا، لكن هيحاولوا يقنعوك إن التغيير مستحيل.
- ابتعد عن اللي بيشتكوا من نفس الحاجة كل يوم، لو كان فعلاً عندهم مشكلة كانوا اتحركوا لحلها، إنما اللي قاعدين يكرروا نفس الكلام، دول مجرد بيحبوا دور الضحية.
- ابتعد عن اللي حياتهم عبارة عن مسلسل درامي مالوش نهاية، خليك مع الناس اللي بتاخد قرارات، اللي بتواجه وتتحرك، مش اللي قاعدين يندبوا حظهم وهم أصلاً مش عايزين يتغيروا.
- ابتعد عن العاهرات وأي طريق يوصل للحرام، لأن البداية دايمًا بتكون متعة مزيفة، لكن النهايات بتكون أسوأ مما تتخيل.
- ابتعد عن الشباب الفاشلين اللي حياتهم كلها هلس وضياع، لأنهم مش هيضيفوا ليك أي حاجة غير إنهم يسحبوك معاهم في نفس المستنقع.
- ابتعد عن أي حد ملوش هدف في حياته، سواء كانوا بنات أو شباب، لأنك في النهاية هتلاقي نفسك واقف في نفس المكان من غير أي تقدم أو نجاح.
- افهم الناس بسرعة وما تديش ثقتك لحد بالساهل، لأن في ناس بتتظاهر بالطيبة وهما في الحقيقة مليانين خبث وغل، دول تكتشفهم بالعشرة والمواقف.
- مش كل اللي بيتكلم حلو معاك يبقى نظيف من جواه، في ناس بتمثل الطيبة عشان مصلحتها، فخليك مركز وما تديش فرصة لحد يستغلك.
- في ناس بتقلب ضحايا وتمثل عليك دور الغلبان عشان تكسب تعاطفك، دول أخطر أنواع البشر، أول ما تشوف النوعية دي اهرب منها قبل ما تجيبك ورا.
- اقرأ كتب علم النفس والتنمية الذاتية، عشان تفهم نفسك أكتر وتعرف إزاي تطور شخصيتك وتفكيرك للأفضل.
- ابتعد عن شهوات الدنيا اللي بتعمي القلب والعقل، وخلي متعتك في النجاح، في التطور، وفي إنك تبقى شخص ناضج وعاقل.
- الناس اللي بتتلون حسب الموقف، واللي كل يوم ليهم شكل حسب المصلحة، دول ما يستاهلوش حتى دقيقة من وقتك، اللي زي دول دوس عليهم بالجزمـة لأنهم مجرد صراصير في هيئة بشر.
سيبهم يقولوا اللي يقولوه، يقولوا عليك مجنون، مختلف، أو حتى يخترعوا قصص من خيالهم عنك. في النهاية، انت مش محتاج تثبت حاجة لحد، لأنك عارف قيمتك وعارف إنك سابقهم بخطوات. خلى عندك ثقة في نفسك وما تضيعش وقتك في الجدال مع عقول مش هتستوعبك، سيبهم عايشين في وهم إنهم الأفضل، وانت كمل في طريقك من غير ما تبص وراك.
مش هقولك أنا اتعلمت إيه ولا فهمت إيه ولا بقيت إيه ولا معايا إيه، لأ خالص. أنا كل الكلام اللي كتبته من الأول للآخر عشان أفهمك حاجة واحدة بس، وهي إنك قادر تاخد قرارات تغير حياتك بشكل عام، مش قرار واحد بس، لأ ده في قرارات كتير ممكن تاخدها علشان تغير مسار حياتك للأفضل، وتفضل تكمل للأفضل وللأفضل. ده اللي كنت حابب أقوله ليك.
وصدقني، أنا مش جاي أقول لك إني وصلت للقمة ولا بطيخ ولا جاي اقولك ان انا احسن منك بالعكس أنا مش محتاج ابرر اصلآ الحاجات دي، أنا ببساطة واحد زي أي حد في الدنيا ويمكن أقل انسان ممكن تشوفه اصلآ علي وجهه الأرض ومش بحب ابقي متصنع زي ناس كتير. لو قلبك نضيف هتفهم كلامي صح، ولو قلبك أسود هتفهمه بشكل سلبي، ومش فارقة معايا تفهم أيه. لكن لو قلتلك الحقيقة هتصدقني!؟ رأيك مش هيهمني!. لأنني بكتب في المكان اللي أنا عايزه وفي الموقع اللي أقدر أعبر فيه عن نفسي زي ما أنا عايز. فلو عقلك محدود أو فكرك مش واسع دي حاجه فيك أنت عالجها براحتك.
الصلاة تمنحك راحة لا توصف: يمكن الحياة تكون مليانة توتر، هموم، وضغوط، لكن أول ما ترفع يدك وتصلي، تشعر كأنك أخذت نفس عميق من السلام الداخلي. كل شيء يهدأ في لحظة السجود، وكأنك قدرت تنسى كل شيء من حولك. ولا تدع للشهوات مكان في حياتك.
كل الكلام ده: عشان اعطيك نبذة صغيره عن فكرة أنك قادر تتغير، وكمان أنت قادر تغير مسار حياتك للأفضل وأنك ممكن تكون محاط بأشخاص مغرقينك معاهم. ومش عارف ولا قادر تتحرك، لكن حبيت افهمك أنك قادر تتغير وتحرر عقلك وتفكر صح. لأن احنا كأشخاص أو كا بني ادمين احنا اللي بنغير الظروف احنا اللي بنقدر نغير واقعنا بس عقليتك ممكن تكون محدودة أو مش حابب تتعب نفسك في التطوير أو في التغيير.
فيه فرق بين انك تكون طيب ولطيف ومحترم أو محترمة، وبين انك تكون عبيط أو (عبيطة) ومستباح.
اللي كتبته ده حوالي 1% من تغيير المسار. أنت متخيل قد أيه أن تغيير المسار ده شيء مهم جدآ أنه ممكن يغير حياتك للأفضل لو اتخذت القرارات الصح بشكل عـــــــــام في حياتك العادية المهنيه والعملية والحقيقية!!. شوف حياتك بقي فيها أيه غلط وحاول تغير أو حاول تاخد قرارات مصيرية في حياتك ممكن القرارات أيآ كان هي أيه في حياتك ممكن تغير حياتك للأفضل والانجح. وفي الاخير الـ "Mentality" العقلية هي اللي بتفرق مع كل انسان فينا.
تحية طيبة للجميع.
